यावल-लाईव्ह ट्रेंड्स न्यूज प्रतिनिधी । भारतीय जनता पक्षाच्या यावल तालुका व्यापार आघाडीच्या अध्यक्षपदी चितोडा येथील भाजप कार्यकर्ते विजय बाळू भारंबे यांची नियुक्ती करण्यात आली आहे. पक्षाच्या पदाधिकाऱ्यांच्या उपस्थितीत त्यांना नियुक्तीपत्र प्रदान करून सत्कार करण्यात आला. त्यांच्या नियुक्तीमुळे यावल तालुक्यातील व्यापारी वर्गाशी पक्षाचा समन्वय अधिक मजबूत करण्यास मदत होईल, असा विश्वास उपस्थितांनी व्यक्त केला.
विजय भारंबे हे चितोडा येथील भाजपचे सक्रिय कार्यकर्ते असून, पक्षाच्या संघटनात्मक कार्यात त्यांचा सहभाग राहिला आहे. व्यापार आघाडीच्या तालुकाध्यक्षपदाची जबाबदारी त्यांच्यावर सोपविण्यात आल्याने आगामी काळात तालुक्यातील व्यापारी, उद्योजक आणि व्यावसायिकांशी संवाद वाढवून त्यांच्या विविध प्रश्नांना संघटनात्मक व्यासपीठ उपलब्ध करून देण्याचे आव्हान त्यांच्यासमोर असणार आहे. नियुक्तीप्रसंगी भाजप राज्य परिषद सदस्य तथा यावल कृषी उत्पन्न बाजार समितीचे माजी सभापती हिरालाल चौधरी, भाजप प्रदेश निमंत्रित सदस्य हर्षल गोविंदा पाटील, भाजप किसान मोर्चाच्या पर्व विभागाचे जिल्हाध्यक्ष नारायण बापू चौधरी, रावेर विधानसभा क्षेत्र प्रमुख विलास चौधरी, यावल कृषी उत्पन्न बाजार समितीचे सभापती उज्जैनसिंग राजपूत, भाजप यावल तालुकाध्यक्ष सागर कोळी आदी पदाधिकारी उपस्थित होते.
यावेळी यावल नगर परिषद नगरसेवक उमेश फेगडे, कृषी उत्पन्न बाजार समितीचे विद्यमान संचालक डॉ. निलेश गडे, खरेदी-विक्री संघाचे संचालक तेजस पाटील, भाजप यावल तालुका सरचिटणीस भरत पाटील व ज्ञानेश्वर तायडे, भाजप अनुसूचित जमाती जिल्हा उपाध्यक्ष सतीश कोळी, मनोज कोळी यांच्यासह पक्षाचे पदाधिकारी व कार्यकर्ते उपस्थित होते. विजय बाळू भारंबे यांना नियुक्तीपत्र देऊन उपस्थित मान्यवरांच्या हस्ते त्यांचा सत्कार करण्यात आला. यावेळी उपस्थित पदाधिकाऱ्यांनी त्यांच्या नियुक्तीचे स्वागत करत अभिनंदन केले आणि नवीन जबाबदारीसाठी शुभेच्छा दिल्या. व्यापार आघाडीच्या माध्यमातून यावल तालुक्यातील व्यापारी वर्गाच्या समस्या जाणून घेऊन त्या सोडविण्यासाठी प्रयत्न करण्याची अपेक्षाही व्यक्त करण्यात आली.
