वॉशिंग्टन (वृत्तसेवा) ‘पुलवामा येथील दहशतवादी हल्ल्यानंतर भारत आणि पाकिस्तानमध्ये आजवरची सर्वात तणावाची परिस्थिती आहे. हा तणाव कमी व्हावा यासाठी आम्ही दोन्ही देशांच्या संपर्कात आहोत. मात्र, भारत यावेळी काहीतरी मोठं पाऊल उचलण्याचा विचार करतोय,’ असा दावा अमेरिकेचे अध्यक्ष डोनाल्ड ट्रम्प यांनी केला आहे. पुलवामा येथील दहशतवादी हल्ल्यानंतर भारत – पाकिस्तानमधील संबंधांमध्ये तणाव निर्माण झाला आहे. भारताने पाकिस्तानची कोंडी करण्याचे प्रयत्न सुरु केले असून यामुळे धसका घेतलेल्या पाकिस्तानने थेट युद्धाची धमकीच दिली आहे. या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी भाष्य केले आहे. ट्रम्प म्हणाले, सध्या भारत – पाकिस्तानमधील संबंधांमध्ये तणाव निर्माण झाला असून परिस्थिती धोकादायक आहे. आम्ही दोन्ही देशांच्या संपर्कात आहोत. […]

श्रीनगर वृत्तसंस्था । फुटिरतावादी नेता तथा जम्मू-काश्मिर लिबरेशन फ्रंटचा प्रमुख यासिन मलीक याला पोलिसांनी ताब्यात घेतले आहे. पुलवामा येथील हल्ल्याच्या पार्श्‍वभूमिवर, केंद्र सरकारने अलीकडेच यासीन मलीकसह अन्य फुटिरतावादी काश्मिरी नेत्यांची सुरक्षा काढून घेण्याचा महत्वाचा निर्णय घेतला होता. यामुळे या नेत्यांच्या गोटात घबराट पसरली आहे. यामुळे त्यांनी आम्हाला सुरक्षा नकोच हवी होती अशा उलट्या बोंबा ठोकल्या आहेत. यातच आता यासीन मलीकला काल रात्री ताब्यात घेण्यात आले आहे. यासिन मलीक याला ताब्यात घेण्यात आल्याची माहिती पोलिसांनी दिली आहे. सोमवारी सर्वोच्च न्यायालयात कलम ३५-अ बाबत महत्वाची चर्चा होणार आहे. या पार्श्‍वभूमिवर मलिकला अटक करण्यात आल्याचे मानले जात आहे.

नवी दिल्ली वृत्तसंस्था । पुलवामा हल्ल्याप्रकरणी हात झटकून टाकत पाकने पुन्हा एकदा उलट्या बोंबा ठोकल्या असून या हल्ल्यासाठी भारतच जबाबदार असल्याचा दावा केला आहे. मेजर जनरल आसीफ गफूर यांनी आज पाकची भूमिका मांडतांना भारतावरच आरोप केले आहेत. ते पत्रकार परिषदेत म्हणाले की, पुलवामातील दहशतवादी हल्ल्यावरुन भारतानं आमच्यावर बेछूट आरोप केले. कोणत्याही पुराव्यांशिवाय आरोप केले गेले. त्या आरोपांची चौकशी आमच्याकडून पूर्ण करण्यात आली. त्यामुळेच आम्हाला उत्तर देण्यास उशीर झाला, असं स्पष्टीकरण पाकिस्तानी लष्करानं दिलं. पुलवामा हल्ल्यासाठी भारतच जबाबदार असल्याचा जावईशोध पाकिस्ताननं लावला. मपुलवामातील ज्या ठिकाणी सीआरपीएफच्या ताफ्यावर हल्ला झाला, ते ठिकाण नियंत्रण रेषेपासून खूप दूर आहे. त्यामुळे पाकिस्तानातील एखादी व्यक्ती तिथंपर्यंत […]

नवी दिल्ली (वृत्तसेवा) पुलवामा दहशतवादी हल्ल्यानंतर भारत-पाकिस्तान संबंध कमालीचे ताणले गेले आहेत. पुलवामा हल्ल्यानंतर पाकिस्तानवर कारवाईसाठी मोदींवर दबाव वाढत आहे. इस्रायल, अमेरिका, रशियासारख्या देशांनीही भारतावर झालेल्या हल्ल्याचा निषेध नोंदवला असून, भारतानं निर्णायक कारवाई करण्याचा सल्ला दिला आहे. त्यामुळे युद्धाची शक्यता लक्षात घेऊन आधीच पाकिस्तानची घाबरगुंडी उडाल्याचे दिसत आहे. त्याने आधीच बचावाची तयारी सुरू केली आहे. भारताने सीमेवर लष्कराच्या हालचाली सुरु करण्याआधीच पाकिस्ताननं सर्व लष्करी रुग्णालयांना सज्ज राहण्याचे आदेश दिले आहेत. पाकिस्तान सरकारकडून लष्कराला कारवाईचे सर्व अधिकार देण्यात आले आहेत. पाकिस्तानी लष्कराने जिलानी रुग्णालयाला एक पत्र पाठवलं आहे. या पत्रात भारताशी युद्ध होण्याची शक्यता लक्षात घेता वैद्यकीय मदतीसाठी सर्व तयारी करण्यास […]