मुक्ताईनगर प्रतिनिधी । मध्य प्रदेशातील धामणगाव शेतात एका अस्वलाची शिकार करून मुक्ताईनगर तालुक्याच्या धाबा पिंप्री येथे लपलेल्या दोन्ही आरोपींना महाराष्ट्र व मध्यप्रदेश वनविभागाच्या अधिकार्‍यांनी आज सकाळी अटक केली आहे. याबाबत मिळालेली प्राथमिक माहिती अशी की, मध्यप्रदेशातील धामणगाव येथे एका अस्वलाची शिकार करणारे नवलसिंग थत्तरसिंग पावरा आणि कन्नकसिंग थत्तरसिंग पावरा हे दोन आरोपी हे मुक्ताईनगर तालुक्यातील धाबापिंप्री येथे लपून बसलेले असल्याची माहिती वन खात्याला मिळाली होती. यानुसार महाराष्ट्र व मध्यप्रदेशच्या वन खात्याच्या संयुक्त पथकाने आज या दोन्ही आरोपींना जेरबंद केले आहे. याबाबत अद्याप गुन्हा नोंदविण्याची प्रक्रिया सुरू होती.

मुक्ताईनगर (प्रतिनिधी) तालुक्यातील कुर्‍हा काकोडा परिसरात पोलिसांनी आज केलेल्या नाकाबंदीदरम्यान धुळे येथील अट्टल दरोडेखोर पोलिसांच्या जाळ्यात सापडले आहे. या घटनेमुळे परिसरात मोठी खळबळ उडाली असून पोलिसांच्या या कामगिरीमुळे आणखी गुन्हे उघड होण्याची शक्यता वर्तविली जाते आहे. अटक करण्यात आलेल्या आरोपींजवळ धारदारजवळ हत्यारे होते. सदर आरोपी या परिसरात काहीतरी गुन्हा करण्याच्या बेतात असल्याचे बोलले जात आहे. मात्र, पोलिसांनी त्यांचा हा बेत हाणून पाडला आहे. याबाबत पोलिस सूत्रांकडून मिळालेली माहिती अशी की, मुक्ताईनगर पोलिस ठाणे हद्दीत वडोदा गावाजवळ जळगाव जामोद रस्त्यावर विभागीय पोलीस अधिकारी श्री. नेवे यांच्या मार्गदर्शनाखाली नाकाबंदी लावण्यात आली होती. सदर नाकाबंदी दरम्यान एक मोटार सायकल तपासणीसाठी न थांबता पळून […]