एरंडोल (प्रतिनिधी) येथील राष्ट्रीय महामार्ग क्र.६ वरील एका पेट्रोल पंपावर पिस्तुलाचा धाक दाखवत रोकड लुटल्याची घटना शुक्रवारी रात्री घडली आहे. या घटनेमुळे परिसरात प्रचंड खळबळ उडाली असून पोलिसांनी तपासचक्र फिरवायला सुरुवात केली आहे. या संदर्भात अधिक असे की, धरणगाव येथील बाबूलाल शहा यांचा एरंडोलपासून साधारण ५ कि.मी अंतरावर नवीन धारागीर गावाजवळ हाय-वे वर एम.जी शहा नावाने पेट्रोल पंप आहे. शुक्रवारी रात्री पेट्रोलपंपावर रवींद्र पाटील व निलेश पाटील हे दोन कर्मचारी नेहमी प्रमाणे कामावर होते. रात्री साडेआठ वाजेच्या सुमारास पेट्रोल भरण्याच्या बहाण्याने आले. त्यानंतर त्यांनी दोघं कर्मचारींना बंदुकीचा धाक दाखवून साधारण ४७ हजाराची रोकड लंपास केली. या घटनेची माहिती मिळताच एरंडोल […]

एरंडोल (प्रतिनिधी)तालुक्यातील पिंपळगाव प्र.चा. येथे मंगळवारी रात्री पकडलेले गोवंशचे वाहन एरंडोल पोलीस स्थानकात घेऊन जातांना रिंगणगाव-चोरटकी गावाजवळ अज्ञात लोकांनी पेटवून दिल्यामुळे प्रचंड खळबळ उडाली आहे. यावेळी अज्ञात समाजकंटकांनी पोलिसांवर देखील दगडफेक केली. त्यात दोन कर्मचारी जखमी झाले आहेत. या संदर्भात अधिक असे की, तालुक्यातील पिंपळकोठा प्र.चा येथे मंगळवारी रात्री साधारण ९.३० वाजेच्या दरम्यान,एक गोवंश घेऊन जाणारी एक मालवाहू रिक्षा पकडली. गावातील लोकांनी हे वाहन पकडून त्याची हवा सोडली.वाहन चालक मात्र,गाडी सोडून पसार झाला. घटनेची माहिती मिळताच पो.कॉ.संदीप सातपुते व उमेश पाटील हे घटनास्थळी पोहचले. त्यांनी नागरिकांची समजूत काढत वाहन नियमाप्रमाणे गुन्हा दाखल करण्यासाठी एरंडोल पोलीस स्टेशनला घेऊन जात होते. परंतु […]

एरंडोल प्रतिनिधी । ओव्हरटेकच्या नादात भरधाव वेगाने धावणारी कार बसवर आदळून झालेल्या अपघातामध्ये एक जण ठार तर तीन गंभीर जखमी झाले आहेत. हा अपघात राष्ट्रीय महामार्गावरील धारागीर गावाजवळ घडला. याबाबत वृत्तांत असा की, माऊंटअबू येथे जाण्यासाठी औरंगाबाद येथून दोन कार एरंडोलमार्गे निघाले होते. यातील एक कार पुढे निघून गेली होती. कार (एमएच २० ईवाय २८६३) धारागीर गावाजवळील साई हॉटेलजवळून जातांना पुढे चालणार्‍या ट्रकला ओव्हरटेक करत पुढे निघण्याचा प्रयत्न करीत असतांना अचानक समोरून येणारी बस क्रमांक एमएच १४ बीटी २०४२ आल्याने कार चालकाचा कारवरील ताबा सुटल्याने कार सरळ बसवर धडकली. ही दुर्घटना सकाळी १०.२० वाजेच्या सुमारास घडली. या अपघातामध्ये कार चालकाच्या […]