धक्कादायक : लग्नाचे आमिष दाखवत तरूणीवर अत्याचार; नराधमास अटक

जळगाव लाईव्ह ट्रेंडस न्यूज प्रतिनिधी । जळगाव शहरातील रामानंदनगर परिसरात राहणारा एका १८ वर्षीय तरुणीला लग्नाचे आमिष दाखवत जळगाव शहरातील आरएल चौफुली जवळील एका हॉटेलवर नेऊन तिच्यावर अत्याचार केल्याचा धक्कादायक प्रकार उघडकीला आला आहे. या संदर्भात मंगळवारी ४ फेब्रुवारी रोजी सायंकाळी ४.३० वाजता एमआयडीसी पोलीस ठाण्यात २ जणांविरोधात गुन्हा दाखल करण्यात आला आहे.

जळगाव शहरातील रामानंदनगर भागामध्ये १८ वर्षीय तरुणी ही वास्तव्याला आहे. ३ नोव्हेंबर २०२३ रोजी तिची ओळख रवींद्र प्रभाकर मराठे रा.सुप्रीम कॉलनी, जळगाव याच्याशी झाली. त्याने पीडित तरुणीला लग्नाचे आश्वासन देऊन तिचा विश्वास संपादन करून जळगाव शहरातील आर.एल. चौफुली जवळील एका हॉटेलवर नेऊन तिच्यावर अत्याचार केला. हा प्रकार ३ नोव्हेंबर २०२३ ते ३१ ऑगस्ट २०२४ या कालावधीत त्याने वेळोवेळी तिच्यावर अत्याचार केला आहे. दरम्यान या संदर्भात पीडित तरुणीने एमआयडीसी पोलिसात धाव घेऊन तक्रार दिली आहे. त्यानुसार रवींद्र प्रभाकर मराठे रा. सुप्रीम कॉलनी आणि हॉटेल उपलब्ध करून देणाऱ्या राज सुरेश तायडे रा. जळगाव याच्या विरोधात एमआयडीसी पोलीस ठाण्यात गुन्हा दाखल करण्यात आला आहे. या पुण्यातील संशयित आरोपीला अटक करण्यात आली आहे. पुढील तपास उपविभागीय पोलिस अधिकारी संदीप गावित हे करीत आहे.

Protected Content