यावल प्रतिनिधी | जळगाव जिल्हा मराठा विद्या प्रसारक सहकारी समाजाचे, कला, वाणिज्य व विज्ञान महाविद्यालय, यावल येथे प्राचार्या डॉ.संध्या सोनवणे यांच्या अध्यक्षतेखाली क्रॉसकंट्री स्पर्धेची सभा आयोजित करण्यात आली.
यावेळी सभेत आंतर महाविद्यालयीन क्रॉसकंट्री स्पर्धेच्या विविध समिती स्थापन करण्यात आल्या व प्रत्येक समितीच्या अंतर्गत येणाऱ्या कामाची सविस्तर माहिती आणि त्याच बरोबर आंतरमहाविद्यालयीन क्रॉसकंट्री स्पर्धबाबत मार्गदर्शनपर माहीती या वेळी उपस्थितांना देण्यात आली.
या सभेचे सूत्रसंचालन महाविद्यालयाचे उपप्राचार्य प्रा. ए. पी. पाटील यांनी केले तर आभार प्रदर्शन उपप्राचार्य प्रा. एम. डी. खैरनार यांनी केले. या कार्यक्रमाला महाविद्यालयाचे उपप्राचार्य प्रा संजय पाटील, मुकेश येवले यांच्यासह शिक्षक व शिक्षकेतर कर्मचारी यांची उपस्थिती होती.
