जळगाव लाईव्ह ट्रेंडस न्यूज प्रतिनिधी । जळगाव शहरातील तांबपुरा भागात राहणाऱ्या एका तरुणाला जुन्या भांडणाच्या कारणावरून धारदार वस्तूने गळ्यावर वार करून जखमी करत जीवेठार मारण्याची धमकी दिल्याची घटना मंगळवार २४ जून रोजी सायंकाळी ७.३० वाजता घडली. याबाबत दुपारी २ वाजता एमआयडीसी पोलीस ठाण्यात एकावर गुन्हा दाखल करण्यात आला असून त्याला अटक करण्यात आले आहे.
या संदर्भात अधिक माहिती अशी की, शाहिद शहा सद्दाम शहा (वय-१९, रा.टिपू सुलतान चौक, तांबापुर) हा तरुण आपल्या कुटुंबासह वास्तव्याला आहे. दरम्यान मंगळवारी २४ जून रोजी सायंकाळी ७.३० वाजता तो घरी असताना जुन्या भांडणाच्या कारणावरून संशयित आरोपी सोनू उर्फ शेख फारूक शेख सलीम (रा. तांबापुरा) याने काहीतरी धारदार वस्तूने शाहिदच्या गळ्याला वार करून अश्लील शिवीगाळ करत जीवेठार मारण्याची धमकी दिली. दरम्यान जखमी झालेल्या शाहिदला जिल्हा शासकीय वैद्यकीय महाविद्यालयात उपचारासाठी दाखल करण्यात आले. याप्रकरणी बुधवारी २५ जून रोजी दुपारी २ वाजता एमआयडीसी पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक सचिन नवले हे करीत आहे.
