पारोळा-लाईव्ह ट्रेंडस न्यूज प्रतिनिधी । पारोळा येथील श्री बालाजी विद्या प्रबोधिनी मंडळ संचलित सौ एम यू इंग्लिश मीडियम स्कूलची विद्यार्थिनी तेजश्री प्रकाश पाटील हिने नुकत्याच जाहीर झालेल्या दहावीच्या (SSC) परीक्षेत उत्कृष्ट यश संपादन केले आहे. तेजश्रीने तब्बल ९३.४० टक्के गुण मिळवून शाळेत आणि परिसरात आपल्या मेहनतीची छाप सोडली आहे.
तेजश्रीने हे यश केवळ आपल्या जिद्दी आणि चिकाटीच्या बळावरच मिळवले असे नाही, तर तिला तिच्या शिक्षकांचे मोलाचे मार्गदर्शन लाभले. शिक्षकांनी वेळोवेळी केलेल्या मदतीमुळे आणि योग्य दिशेने केलेल्या प्रयत्नांमुळेच तेजश्रीला हे नेत्रदीपक यश प्राप्त झाले आहे.
या शानदार यशाबद्दल तेजश्रीचे सर्व स्तरांतून कौतुक आणि अभिनंदन होत आहे. शालेय प्रशासन, शिक्षक वर्ग आणि तिचे मित्र-मैत्रिणी यांनी तिच्या या कामगिरीची प्रशंसा केली आहे. तेजश्री ही येथील सुप्रसिद्ध पत्रकार प्रकाश पाटील यांची सुकन्या आहे. आपल्या मुलीच्या या उज्ज्वल यशाने पाटील कुटुंबात आनंदाचे वातावरण पसरले आहे.
तेजश्रीने आपल्या यशाचे श्रेय आपल्या आई-वडिलांना आणि शिक्षकांना दिले आहे. नियमित अभ्यास, कठोर परिश्रम आणि योग्य नियोजन या त्रिसूत्रीच्या आधारावरच आपण हे यश मिळवू शकलो, असे तेजश्रीने सांगितले. तिच्या या प्रेरणादायी यशाने इतर विद्यार्थ्यांसाठी एक आदर्श निर्माण केला आहे.
