जळगाव – लाईव्ह ट्रेंडस न्युज प्रतिनिधी । येथील जी. एच. रायसोनी बिजनेस मॅनेजमेंट महाविद्यालयाने कवयित्री बहिणाबाई चौधरी उत्तर महाराष्ट्र विद्यापीठ अंतर्गत जळगाव विभागीय आंतर महाविद्यालयीन बुद्धीबळ स्पर्धेत प्रथम पारितोषिक पटकावले असून परीक्षित माळी, कार्तिक पाटील व श्रेयस अवतारे यांची बुद्धिबळ स्पर्धेत विभागीय संघासाठी निवड करण्यात आली आहे.
स्पर्धेत एकूण ११ संघ सहभागी झाले होते. नुकत्याच झालेल्या आंतर महाविद्यालयीन बुद्धीबळ स्पर्धा श्रीमती प. क. कोटेचा महाविध्यालय भुसावळ येथे पार पडल्या यावेळी केतन बोरसे व श्रिनय नेवे या विद्यार्थ्यांचाही संघात समावेश होता. पुढील विभागीय स्पर्धा गोदावरी आयएमआर महाविद्यालयात होणार आहेत. स्पर्धेत यश संपादन केल्याबद्दल विध्यार्थ्यांचे रायसोनी इस्टीट्युटचे संचालक श्री. प्रितमजी रायसोनी, संचालिका प्रा. डॉ. प्रिती अग्रवाल, अकॅडमिक डीन प्रा. डॉ. प्रणव चरखा, प्रा. रफिक शेख यांनी कौतुक केले.
