जळगाव-लाईव्ह ट्रेंडस न्यूज प्रतिनिधी । जळगाव शहरातील लक्ष्मीनगर परिसरात राहणाऱ्या एका तरुणाने विषारी औषध घेतल्याने त्याचा उपचारादरम्यान मृत्यू झाल्याची घटना शनिवारी ३० नोव्हेंबर रोजी सायंकाळी ६ वाजता घडली आहे. याप्रकरणी रात्री ९ वाजता एमआयडीसी पोलीस ठाण्यात अकस्मात मृत्यूची नोंद करण्यात आली. कमल विक्रम डोंगरे वय-४०, रा. लक्ष्मी नगर, जळगाव असे मयत झालेल्या तरुणाची नाव आहे.
दिलेली माहिती अशी की, जळगाव शहरातील लक्ष्मी नगर परिसरामध्ये कमल विक्रम डोंगरे हा तरूण आपल्या परिवारासह वास्तव्याला आहे. एमआयडीसीतील भागात एका कंपनीत तो काम करून आपला उदरनिर्वाह करत होता. दरम्यान शनिवारी ३० नोव्हेंबर रोजी सायंकाळी ६ वाजेच्या सुमारास त्याने राहत्या विषारी औषध घेतले. त्यांची प्रकृती खालावल्याने त्यांला तातडीने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले. आत्महत्या करण्याचे कारण समोर आले नाही. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली. या घटनेच्या पुढील तपास पोलीस हेडकॉन्स्टेबल गफूर तडवी हे करीत आहे.
