जळगाव (प्रतिनिधी) कृषी यांत्रिकीकरण दिवसानिमित्त शहरात आज जिल्हा कृषी यांत्रिकीकरण प्रदर्शन भरविण्यात आले होते. हे प्रदर्शन ममुराबाद येथील कृषी विज्ञान केंद्रात आयोजित करण्यात आले होते. प्रदर्शनाचे उद्घाटन जिल्हाधिकारी अविनाश ढाकणे यांच्या हस्ते करण्यात आले.
याप्रसंगी कृषी उपसंचालक अनिल भोकरे, जिल्हा कृषी अधिकारी संभाजी ठाकूर आदी उपस्थित होते. या प्रदर्शनात आधुनिक यंत्रसामग्री व अवजारे ठेवण्यात आली आहेत. या प्रदर्शनाला जिल्हा व जिल्ह्याबाहेरील शेतकऱ्यांनी भेट देऊन अवजारांची माहिती करून घेतली. प्रदर्शनात मांडलेल्या स्टॉलवर जिल्हाधिकारी यांनी स्वतः भेट देऊन बरीच माहिती जाणून घेतली.
https://www.youtube.com/watch?v=WSnOjd3E9DM&feature=youtu.be
