पहूर-लाईव्ह ट्रेंडस न्यूज प्रतिनिधी । बिस्किट पुडा देण्याचा बहाणा करून ७ वर्षीय चिमुकल्यावर अनैसर्गिक कृत्य करून अत्याचार केल्याचा संतापजनक प्रकार समोर आला आहे. या संदर्भात पहूर पोलीस ठाण्यात एकावर गुन्हा दाखल करण्यात आला आहे.
पहूर पोलिसांनी दिलेल्या माहितीनुसार, जामनेर तालुक्यातील एका गावात ७ वर्षीय चिमुकला हा आपल्या आई-वडील यांच्यासह वास्तव्याला आहे. २५ जानेवारी रोजी दुपारी ४ वाजता हा चिमुकला घरी एकटा असताना बाजूला राहणारा सुरेश शांताराम भोई याने त्याला जवळ बोलून बिस्कीट पुडा घेण्याचा बहाणा करून त्याला त्याच्या घरात नेले. घराचे दरावाजे बंद करून चिमुकल्यासोबत अनैसर्गिक कृत्य करून अत्याचार केला. हा प्रकार घडल्यानंतर पीडित चिमुकल्याने आपल्या सोबत घडलेले प्रकार नातेवाईकांना सांगितला. संतप्त नातेवाईकांनी तातडीने पहूर पोलीस ठाण्यात धाव घेऊन तक्रार दिली. त्यांनी दिलेल्या तक्रारीवरून गुरूवार २७ जानेवारी रोजी सकाळी १० वाजता संशयित आरोपी सुरेश शांताराम भोई यांच्या विरोधात पहूर पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक दिलीप पाटील करीत आहे.
