बिल गेट्स यांना पितृशोक

वॉशिंग्टन वृत्तसंस्था । मायक्रोसॉफ्टचे सहसंस्थापक बिल गेट्स यांना पितृशोक झाला आहे. बिल गेट्स यांचे वडील विल्यिम गेट्स यांचे दीर्घ आजाराने निधन झाले. ते ९४ वर्षांचे होते. बिल गेट्स यांचे वडील प्रसिद्ध वकील होते. सिएटल येथील वुड कॅनोल भागात त्यांनी अखेरचा श्वास घेतला.

काही काळांपासून त्यांना अल्झायमर आजाराचा त्रास होता. त्यांच्यावर उपचारही सुरू होते. मात्र, १४ सप्टेंबर रोजी त्यांची प्राण ज्योत मालवली. बिल गेट्स यांनी आपल्या भावना व्यक्त करताना सांगितले की, माझे वडील खरे बिल गेट्स होते. मी कायम त्यांच्यासारखाच बनण्याचा प्रयत्न केला. त्यांची आठवण कायमच येत राहिल. बिल गेट्स यांच्या वडिलांनी १९९४ मध्येच वकिली करणे बंद केले होते. विविध सामाजिक उपक्रमात सहभाग नोंदवणाऱ्या बिल अॅण्ड मिलेंडा गेट्स फाउंडेशनची निर्मिती त्यांच्या सुचनेनुसार झाली .

बिल गेट्स यांनी म्हटले की, वडिलांशिवाय बिल अॅण्ड मिलेंडा गेट्स फाउंडेशनची निर्मिती झाली नसती. मी कायमच मायक्रोसॉफ्टमध्ये गुंतलेलो होतो. सामाजिक जबाबदारी म्हणून काही निधी देत असे. माझ्या वडिलांनी या ‘बिल अॅण्ड मिलेंडा गेट्स फाउंडेशन’ ची कल्पना मांडली. हे फाउंडेशन कसे काम करेल याबाबततही त्यांनी मार्गदर्शन, सूचना केली. समाजाला आपण काही देणं लागतो यावर त्यांचा कटाक्ष असल्याचे बिल गेट्स यांनी सांगितले.

Protected Content