यावल : प्रतिनिधी । आई वडील आयुष्यात आपली प्रगती व्हावी म्हणून त्यांचे जीवन खर्ची घालतात पण त्यांच्या आभाळकष्ट व उपकाराची आज जाणीव किती लोक ठेवतात ? असा प्रश्न विचारत आ राजुमामा भोळे यांनी खंत व्यक्त केली
यावल येथे अनौपचारिक चर्चेत एका कौटुंबिक भेटीत ते बोलत होते .
भाजपच्या यावल शहर व परिसरात गठीत करण्यात आलेल्या शाखा उद्घाटन कार्यक्रमासाठी भाजपा जिल्हा अध्यक्ष आमदार राजुमामा भोळे यावल येथे आले होते त्यांनी यावलचे नगरसेवक डॉ . कुंदन फेगडे यांच्या निवासस्थानी भेट दिली डॉ . कुंदन फेगडे यांचे वडील सुधाकर फेगडे यांच्या नुकत्याच पार पडलेल्या ७५ व्या वाढदिवसानिमित्त आयोजित अभिष्टचिंतन सोहळ्याचे औचित्य साधुन ते बोलत होते
यावेळी त्यांच्यासोबत खासदार रक्षा खडसे , भाजप तालुकाध्यक्ष उमेश फेगडे, जिल्हा सरचिटणीस हर्षल पाटील , माजी तालुकाध्यक्ष डॉ . नरेन्द्र कोल्हे , शहराध्यक्ष डॉ .निलेश गडे , तालुका सरचिटणीस विलास चौधरी यांच्यासह सुधाकर फेगडे , डॉ . कुंदन फेगडे , डॉ .सौ . जागृती फेगडे यांच्यासह आदी उपस्थित होते .