मुंबई-लाईव्ह ट्रेंडस न्यूज वृत्तसेवा | यंदाचा साहित्य अकादमी पुरस्कार यांना जाहीर झाला आहे. हा पुरस्कार ‘विंदांचे गद्यरुप’ या समीक्षात्मक पुस्तकासाठी मराठी भाषेकरिता ते पुरस्काराचे मानकरी ठरले आहेत. साहित्य अकादमीचे सचिव के. श्रीनिवासराव यांनी नवी दिल्ली मध्ये आज साहित्य अकादमी पुरस्कारांची घोषणा केली आहे. यामध्ये 21 विजेते आहेत. दरम्यान राज्याचे मुख्यमंत्री देवेंद्र फडणवीस यांनी डॉ. सुधीर रसाळ यांचे एक्सवर पोस्ट करत अभिनंदन केले आहे.
साहित्य अकादमीच्या वतीने वार्षिक साहित्य अकादमी पुरस्कार 2024 ची घोषणा करण्यात आली. या पुरस्कारांमध्ये आठ काव्यसंग्रह, तीन कादंबऱ्या, दोन कथासंग्रह, तीन निबंध, तीन साहित्यिक समीक्षा, एक नाटक आणि एका संशोधनात्मक पुस्तकाचा समावेश आहे. बंगाली, डोगरी आणि उर्दू भाषेतील पुरस्कार नंतर जाहीर केले जाणार आहेत. 21 भारतीय भाषांच्या निवड समित्यांनी या पुरस्कारांची शिफारस केली होती आणि आज साहित्य अकादमीचे अध्यक्ष माधव कौशिक यांच्या अध्यक्षतेखाली झालेल्या अकादमीच्या कार्यकारी मंडळाच्या बैठकीत त्यांना मान्यता देण्यात आली.
हा सर्वात श्रेष्ठ पुरस्कार असल्याचे मी मानतो. आणि तर्कतीर्थ लक्ष्मण शास्त्री जोशी. बा. सी. मर्ढेकर, प्रभाकर पाध्ये अशा फार मोठ्या विचारवंत समीक्षकांना जो पुरस्कार मिळाला, तो मलाही मिळतो आहे. याचा मला विशेष आनंद असल्याचे सुधीर रसाळ यांनी ‘दिव्य मराठी’ बोलताना म्हटले आहे.
