जळगाव जिल्ह्यात आतापर्यंत 10 लाख 61 हजार जणांना कोरोना लसीकरण

जळगाव प्रतिनिधी । जिल्ह्यात आतापर्यंत 10 लाख 61 हजार 716 लाभार्थ्यांना कोरोना लस देण्यात आली आहे. यात 8 लाख 6 हजार 673 जणांना पहिला डोस तर 2 लाख 55 हजार 43 जणांना दुसरा डोस देण्यात आल्याची माहिती जिल्हा आरोग्य अधिकारी डॉ. भिमाशंकर जमादार यांनी आज (दि.9) सायंकाळी 5 वाजता यांनी पाठविलेल्या पत्रकाद्वारे कळविले आहे. 

कोरोना लसीकरणास नागरीकांचा मिळणारा वाढता प्रतिसाद लक्षात घेऊन जिल्ह्यात 15 ठिकाणी प्रमाणात लसीकरण केंद्र कार्यरत करण्यात आले आहे. जिल्ह्यात कोरोनाचा प्रादुर्भाव रोखण्यासाठी व कोरोनापासून बचावासाठी लस महत्वपूर्ण असल्याने आणि जिल्हा प्रशासनाने केलेल्या आवाहनास प्रतिसाद देऊन नागरीकही स्वयंस्फुर्तीने मोठ्या प्रमाणात लस घेण्यासाठी गर्दी करीत आहे. या लसीकरण केंद्रामार्फत जिल्ह्यात आतापर्यंत 8 लाख 6 हजार 673 लाभार्थ्यांना कोरोना लसीचा पहिला डोस तर 2 लाख 55 हजार 43 लाभार्थ्यांना दुसरा डोस असे एकूण 10 लाख 61 हजार 716 लाभार्थ्यांना लसीचे डोस देण्यात आले आहे. यात शहरी भागातील 5 लाख 42 हजार 857 तर ग्रामीण भागातील 5 लाख 18 हजार 859 नागरीकांचा समावेश आहे. नागरीकांनी लसीकरणाचा लाभ घ्यावा, असे आवाहन जिल्हा आरोग्य अधिकारी डॉ. भिमाशंकर जमादार यांनी आज सोमवारी 9 ऑगस्ट रोजी सायंकाळी 5 वाजता दिलेल्या प्रसिध्दीपत्रकात केले आहे.

Protected Content