रावेर-लाईव्ह ट्रेंड्स न्यूज प्रतिनिधी । रावेर वनपरिक्षेत्र अधिकाऱ्यांनी मिळालेल्या गुप्त माहितीनुसार सावदा येथे सागवान लाकडाच्या तस्करीवर धाड टाकून कारवाई केली.
काल 26 जानेवारीच्या मध्यरात्री रावेर-सावदा मार्गावर गस्त घालत असताना, टाटा कंपनीच्या MH-04 FJ 3248 क्रमांकाच्या मालवाहतूक वाहनाची तपासणी करण्यात आली. वाहनातून सागवान पलंग (4 नग) आणि सोपा सेट (1 नग) असा सुमारे 0.524 घनमीटर लाकूड जप्त करण्यात आले.
वाहनचालक गणेश भीमराव खैरनार (वय 27, रा. जळगाव) याच्याकडे आवश्यक परवाने नसल्याचे आढळले. जप्त करण्यात आलेल्या सागवान लाकडाची अंदाजे किंमत 64,500 रुपये असून वाहनाची किंमत 1,26,000 रुपये आहे. एकूण जप्त मालाची किंमत 1,90,500 रुपये इतकी आहे. जप्त वाहन पुढील चौकशीसाठी आगार डेपो, रावेर येथे जमा करण्यात आले आहे.
ही कारवाई नीनू सोमराज वनसंरक्षक, धुळे जमीर शेख उपवनसंरक्षक, यावल आर.आर. सदगीर विभागीय वन अधिकारी, धुळे प्रथमेश हळपे सहायक वनसंरक्षक, चोपडा आणि समाधान पाटील सहायक वनसंरक्षक, यावल यांच्या मार्गदर्शनाखाली पार पडली. या कारवाईत रावेरचे वनपरिक्षेत्र अधिकारी अजय बावणे, वनपाल रविंद्र सोनवणे, आगार रक्षक सुपडू सपकाळे, आणि वनरक्षक जगदीश जगदाळे (जुनोना) यांचा सहभाग होता.
