भुसावळ प्रतिनिधी । तालुक्यातील तळवेल येथील नेहरू विद्या मंदिराच्या भव्य पटांगणात आज (दि.०४) निसर्ग व सामाजिक पर्यावरण प्रदूषण मंडळाचे जिल्हाध्यक्ष नाना पाटील व शाळेचे पर्यवेक्षक तथा निसर्ग व सामाजिक पर्यावरण प्रदूषण मंडळाचे जिल्हा संघटक एस. एस. अहिरे यांच्या हस्ते विविध वृक्षांची लागवड करण्यात आली.
यावेळी पर्यावरणाला पूरक असणारी झाडे लावाण्यात आली. त्यामुळे होणारे प्रदूषणाला आळा बसेल यासाठी वड, पिंपळ, निब, चिंच, आवळा, आंबा, कांचन, अशी ऑक्सीजन देणारी मोठी झाडे लावावी, असे नाना पाटील यांनी मार्गदर्शन करतांना सांगितले. यावेळी जिल्हा संघटक, शाळेचे पर्यवेक्षक एस. एस. अहिरे यांनी मोठ्या प्रमाणात देशी झाडांचेच वृक्षारोपण केले असून भविष्यातही निसर्ग व सामाजिक पर्यावरण मंडळाच्या मार्गदर्शनाखाली झाडांचे रोपण करून संवर्धन करू असे यावेळी मनोगतात व्यक्त केले. याप्रसंगी मार्गदर्शक सुरेंद्र पाटील, शाळेतील शिक्षक व्ही.टी. रोटे, एल. एस. पाटील, व्ही. जे. पाटील, ए. डी. महाजन, एस. एस. सरोदे, ए. पी. कोल्हे यांनी ही वृक्षारोपण करून सहकार्य केले व वृक्ष संवर्धन करण्याची जबाबदारी ही घेतली.
