चाळीसगाव -लाईव्ह ट्रेंड्स न्युज प्रतिनिधी । चाळीसगाव शहरातील शिवशक्ती नगर येथे राहणाऱ्या वृद्ध महिलेच्या गळ्यात सोन्याची पोट चोरून नेल्याची घटना बुधवारी २२ मे रोजी रात्री ९ वाजता घडली आहे. या प्रकरणात रात्री ११ वाजता चाळीसगाव शहर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, पर्वताबाई सुरेश पाटील वय-६५, रा. शिवशक्ती नगर, चाळीसगाव हे आपल्या परिवारासह वास्तव्याला आहे. २२ मे रोजी रात्री ९ वाजता महिला घरी पायी जात असताना अज्ञात दुचाकीवर आलेल्या अज्ञात दोन जणांनी त्यांच्या गळ्यातील सोन्याची मंगलपोत जबरी हिसकावून चोरून नेल्याची घटना घडली. दरम्यान ही घटना घडल्यानंतर पार्वताबाई पाटील यांनी घरी आल्या त्यानंतर त्यांनी हा प्रकार त्यांचे पती सुरेश पाटील यांना सांगितला. दरम्यान दोघांनी तातडीने चाळीसगाव शहर पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर रात्री ११ वाजता गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक सुहास आव्हाड हे करीत आहे.
