रावेर-लाईव्ह ट्रेंडस न्यूज प्रतिनिधी । रावेर येथील दि. रावेर पिपल्स को-ऑपरेटिव्ह बँकेच्या अध्यक्षपदी दिलीप हिरामण पाटील यांची, तर उपाध्यक्षपदी राजेश सुधाकर शिंदे यांची आज (सोमवार, २३ जून रोजी) बिनविरोध निवड करण्यात आली. यामुळे बँकेच्या कामकाजात एक नवा अध्याय सुरू झाला आहे.
निवड प्रक्रिया आणि उपस्थित मान्यवर
बँकेच्या सभागृहात अध्यक्ष व उपाध्यक्षपदाच्या निवडीसाठी संचालक मंडळाची विशेष सभा आयोजित करण्यात आली होती. निवडणूक निर्णय अधिकारी तथा सहायक निबंधक जे. बी. बारी यांच्या अध्यक्षतेखाली झालेल्या या बैठकीत दिलीप पाटील आणि राजेश शिंदे यांची बिनविरोध निवड जाहीर करण्यात आली.
यावेळी बँकेचे संचालक प्रल्हाद महाजन, राजेंद्र चौधरी, मानस कुलकर्णी, सोपान बाबुराव पाटील, पंकज पाटील, सोपान साहेबराव पाटील, संजय वाणी, पुष्पाबाई महाजन, मीराबाई राऊत, ॲड. प्रवीण पाचपोहे आणि विनोद तायडे उपस्थित होते. प्रकाश पाटील यांनी निवड प्रक्रियेसाठी सहकार्य केले.
नवनिर्वाचित पदाधिकाऱ्यांचा सत्कार
निवड बिनविरोध झाल्याने एक छोटेखानी सत्कार समारंभही आयोजित करण्यात आला होता. यात नवनिर्वाचित अध्यक्ष दिलीप पाटील आणि उपाध्यक्ष राजेश शिंदे यांचा संचालक प्रल्हाद महाजन, भाजपचे ज्येष्ठ नेते सुरेश धनके, भाजपचे माजी तालुकाध्यक्ष राजन लासुरकर, सुनील पाटील, भास्कर महाजन, उमेश महाजन, रवींद्र पाटील, बंडू पाटील, रावेर शिक्षण संवर्धक संघाचे संचालक महेश अत्रे, अरुण शिंदे, नितीन पाटील, सुधाकर नाईक आणि लखन महाजन तसेच विकास अवसरमल यांनी पुष्पगुच्छ देऊन सत्कार केला. या निवडीमुळे बँकेच्या कामकाजाला अधिक गती मिळेल अशी अपेक्षा व्यक्त होत आहे.
