अमळनेर प्रतिनिधी । शहरातील गलवाडे रोड ताराचंद नगर येथे बंद घर अज्ञात चोरट्यांनी फोडून घरातील रोकडसह दागीने असा एकुण २ लाख ३६ हजार रूपयांची मुद्देमाल चोरून नेल्याची घटना उघडकीला आली. अमळनेर पोलीस ठाण्यात गुन्हा दाखल करण्यात आला.
सविस्तर माहिती अशी की, कमलेश विजय सोनवणे (वय-२५) रा. गलवाडे रोड, ताराचंद नगर, अमळनेर हे आपल्या कुटुंबियांसह राहतात. कामाच्या निमित्ताने ते २५ मे रोजी गावाला गेले. दरम्यान २६ मे रोजीच्या मध्यरात्री १ ते सकाळी ७ वाजेच्या दरम्यान अज्ञात चोरट्याने बंद घर फोडून घरातील लाकडी कपाटातील २ लाख रूपयांची रोकड आणि ३६ हजार रूपये किंमतीचे सोन्याचे दागीने चोरून नेले. याप्रकरणी अमळनेर पोलीसात अज्ञात चोरट्यांविरूध्द गुन्हा दाखल करण्यात आला आहे. पुढील तपास सपोनि राकेशसिंग परदेशी करीत आहे.
