जळगाव लाईव्ह ट्रेंडस न्यूज प्रतिनिधी । रस्त्यावर फटाके फोडू नका असे सांगितल्याच्या कारणावरून करंज गावातील एका तरूणाला शिवीगाळ करत दगडाने मारहाण करून जीवेठार मारण्याची धमकी दिल्याची घटना शुक्रवारी १ नोव्हेंबर रोजी रात्री ९ वाजता घडली आहे. याप्रकरणी शनिवारी २ नोव्हेंबर रोजी मध्यरात्री २ वाजता जळगाव तालुका पोलीस ठाण्यात ८ जणांविरोधात गुन्हा दाखल करण्यात आला आहे.
अधिक माहिती अशी की, नंदू ईला सपकाळे वय ४७ हे आपल्या परिवारासह करंज गावात वास्तव्याला आहे. शुक्रवारी १ नोव्हेंबर रोजी रात्री ९ वाजता गावातील काही जण फटाके फोडत असतांना नंदू सपकाळे यांनी रस्त्यावर फटाके फोडू नका असे सांगितले. या कारणावरून तुषार गणेश पाटील, गौरव नितीन पाटील, शुभम अनिल पाटील, डिगंबर देविदास पाटील, देवा धनसिंग पाटील, उमेश देविदास पाटील, मुकेश संजू पाटील सर्व राहणार करंज ता.जळगाव यांनी शिवीगाळ करत नंदू सपकाळे यांचा मुलगा संदीप सपकाळे याला दगडाने मारहाण करून गंभीर जखमी करत जीवेठार मारण्याची धमकी दिली. हा प्रकार घडल्यानंतर नंदू सपकाळे यांनी जळगाव तालुका पोलीस ठाण्यात तक्रार देण्यात आली. त्यानुसार संशयित आरोपी तुषार गणेश पाटील, गौरव नितीन पाटील, शुभम अनिल पाटील, डिगंबर देविदास पाटील, देवा धनसिंग पाटील, उमेश देविदास पाटील, मुकेश संजू पाटील सर्व राहणार करंज ता.जळगाव यांच्या विरोधात गुन्हा दाखल करण्यात आला आहे. पुढील तपास पोहेकॉ बापू पाटील हे करीत आहे.
