जळगाव-लाईव्ह ट्रेंडस न्यूज प्रतिनिधी । कार्यक्रमासाठी जात असलेल्या वृध्दाच्या दुचाकीला भरधाव रिक्षाने धडक दिली. यामध्ये विजय वर्मा हे गंभीर जखमी झाल्याची घटना दि. १९ जानेवारी रोजी साडेअकरा वाजेच्या सुमारास गुंजन कार्यालयासमोर घडली. याप्रकरणी रिक्षा चालकाविरुद्ध एमआयडीसी पोलीस ठाण्यात गुन्हा दाखल करण्यात आला आहे.
जळगाव शहरातील गणपती नगरात राहणारे घिसूमल तेजमल वर्मा (वय ६७, रा. गणपती नगर) हे बुधवारी १९ जानेवारी रोजी दुपारी (एमएच १९, एई ८३१०) क्रमांकाच्या दुचाकीने रायसोनी फार्म हाऊस येथे कार्यक्रमासाठी जात होते. यावेळी गुंजन मंगल कार्यालयाजवळ त्यांना भरधाव रिक्षाचालकाने जोरदार धडक दिली. या अपघातात वर्मा हे गंभीर जखमी होवून त्यांच्या दुचाकीचे नुकसान देखील झाले आहे. दरम्यान, त्यांच्या मुलगा विजय वर्मा याने दिलेल्या तक्रारीवरुन रिक्षा चालकाविरुद्ध एमआयडीसी पोलीस ठाण्यात गुन्हा दाखल करण्यात आला आहे. तपास पोहेकॉ रामदास कुंभार हे करीत आहे.
