मुक्ताईनगर-लाईव्ह ट्रेंड्स न्यूज प्रतिनिधी । भारतीय जनता पक्षाच्या जळगाव जिल्हा (पूर्व) महिला मोर्चाच्या जिल्हा कार्यकारिणीची घोषणा करण्यात आली असून भावना ललित महाजन यांची जिल्हा उपाध्यक्षपदी निवड करण्यात आली आहे. त्यांच्या निवडीमुळे भाजपा महिला मोर्चाच्या पदाधिकारी व कार्यकर्त्यांमध्ये उत्साहाचे वातावरण असून, विविध स्तरातून त्यांचे अभिनंदन करण्यात येत आहे.
महाराष्ट्राचे मुख्यमंत्री देवेंद्र फडणवीस आणि भाजपा प्रदेशाध्यक्ष रवींद्र चव्हाण यांच्या आदेशाने तसेच भाजपा नेते, जलसंपदा व आपत्ती व्यवस्थापन मंत्री गिरीश महाजन यांच्या नेतृत्वाखाली जळगाव जिल्हा (पूर्व) महिला मोर्चाची नवीन कार्यकारिणी जाहीर करण्यात आली.
केंद्रीय राज्यमंत्री रक्षा खडसे, वस्त्रोद्योग मंत्री संजय सावकारे, जिल्हा प्रभारी आमदार अनुपभैय्या अग्रवाल, खासदार स्मिता वाघ, आमदार राजूमामा भोळे, आमदार मंगेश चव्हाण, आमदार अमोल जावळे आणि आमदार नंदकिशोर महाजन यांच्या मार्गदर्शनाखाली जिल्हाध्यक्ष चंद्रकांत पाटील यांनी महिला मोर्चाची जिल्हा कार्यकारिणी जाहीर केली आहे.
या कार्यकारिणीत भावना महाजन यांच्यावर जिल्हा उपाध्यक्षपदाची महत्त्वपूर्ण जबाबदारी सोपविण्यात आली आहे. महिला मोर्चाच्या माध्यमातून पक्षाचे संघटन अधिक मजबूत करण्यासोबतच महिलांपर्यंत पक्षाची भूमिका आणि विविध उपक्रम पोहोचविण्यासाठी त्यांची भूमिका महत्त्वाची ठरणार आहे.
महिला संघटनेचा विस्तार, पक्षाच्या विविध कार्यक्रमांमध्ये महिलांचा सहभाग वाढविणे आणि स्थानिक पातळीवर संघटनात्मक बांधणी मजबूत करणे या दृष्टीने आगामी काळात महिला मोर्चासमोर विविध आव्हाने असणार आहेत. या पार्श्वभूमीवर भावनाताई महाजन यांच्यावर सोपविण्यात आलेली जबाबदारी महत्त्वपूर्ण मानली जात आहे.
त्यांच्या निवडीची माहिती समोर आल्यानंतर भाजपा पदाधिकारी, महिला मोर्चाच्या कार्यकर्त्या, पक्षाचे कार्यकर्ते आणि समर्थकांकडून त्यांचे अभिनंदन करण्यात येत आहे. त्यांच्या अनुभवाचा आणि संघटनात्मक क्षमतेचा उपयोग पक्षाच्या महिला आघाडीला होईल, अशी अपेक्षा व्यक्त केली जात आहे.
