नवी दिल्ली- भारत बायोटेकच्या कोव्हॅक्सीनला आपतकालीन वापरासाठी मंजुरी मिळाली आहे. अद्यापही तज्ज्ञ समितीची बैठक सुरू आहे.
देशात कोरोना लशीच्या वापराला परवानगी देण्यासाठी आरोग्यमंत्रालयाच्या SEC ची बैटक झाली. या बैठकीत सीरम इंस्टिट्यूटच्या लशीला अंतिम मंजुरी देण्यात आली. भारत बायोटेकने तयार केलेल्या कोव्हॅक्सिन या लसीला भारतात मंजुरी देण्यात आली आहे.
गेल्या महिन्याच्या अखेरीस या कोव्हॅक्सिन लसीच्या तिसऱ्या टप्प्यातील चाचण्या गुजरातमध्ये सुरू करण्यात आल्या होत्या. साडेसातशे जणांना पहिली मात्रा देण्यात आली होती. दरम्यान, त्यानंतर त्यांच्यात कुठलेही वाईट परिणाम दिसून आले नाहीत,असे वरिष्ठ डॉक्टरांनी सांगितले. ज्यांना लशीची पहिली मात्रा देण्यात आली त्यांच्यात ७५० स्वयंसेवक असून डॉक्टर, परिचर कर्मचारी, निम-वैद्यकीय कर्मचारी यांचा समावेश होता.
कोव्हॅक्सिन लशीच्या चाचण्या २५ नोव्हेंबरला सुरू करण्यात आल्या होत्या. दरम्यान, स्वयंसेवकात कुठलेही वाईट परिणाम दिसून आले नाहीत, असे क्षयरोग विभागाचे प्रमुख डॉ. किरण रामी यांनी सांगितले. आणखी हजार जणांना या महिन्याच्या अखेरीस लस देण्यात येणार असून काही जणांना २८ दिवसांच्या अंतरानंतरची दुसरी मात्रा देण्यास सुरुवात करण्यात आली.
