भडगाव लाईव्ह ट्रेंडस न्यूज प्रतिनिधी । भडगाव तालुक्यातील कृषी दुकाने ९ फेब्रुवारीपासून दर रविवारी बंद राहतील, असा निर्णय भडगाव तालुका सीड्स पेस्टिसाइड फर्टीलायझर असोसिएशनने घेतला आहे. हा निर्णय १८ मे २०२५ पर्यंत लागू राहणार आहे.
हा निर्णय मतदान प्रक्रियेद्वारे घेतला गेला असून, रविवारी दुकाने बंद ठेवण्यासाठी सर्वाधिक मतदान झाले आहे. त्यामुळे आगामी काळात या तारखेस रविवारी कृषी निविष्ठा दुकाने बंद राहतील. याची सर्व शेतकऱ्यांनी नोंद घ्यावी, असे असोसिएशनने स्पष्ट केले आहे. या निर्णयात सहकारी संस्था देखील सहभागी आहेत आणि हा निर्णय अधिकृत असोसिएशनचे लेटर तयार करणे अशा स्वरूपात राबवला जात आहे. यावेळी असोसिएशनचे अध्यक्ष दीपक पाटील, उपाध्यक्ष मनोज पाटील आणि खजिनदार प्रकाश नाईक यांच्यासह भडगाव फळविक्री संस्थेचे मॅनेजर वाल्मिक पाटील, राकेश पाटील, भूषण कोतकर आणि इतर दुकानदार उपस्थित होते. कृषी दुकाने दर रविवारी बंद ठेवण्याचा निर्णय शेतकऱ्यांच्या सुविधेसाठी घेतला गेला आहे. यामुळे शेतकऱ्यांना आपल्या इतर कामांचा वेळ अधिक मिळणार आहे आणि त्याचबरोबर दुकानातील कामकाज देखील सुटेल.
