जळगाव लाईव्ह ट्रेंडस न्यूज प्रतिनिधी । जळगाव शहरातील कांचन नगर परिसरातील कांलीका माता मंदीराजवळ काहीही कारण नसतांना एका तरूणाला शिवीगाळ करत हातातील कड्याने मारहाण करून दुखापत केल्याची घटना गुरूवार ३ जुलै रोजी मध्यरात्री १ वाजता घडली आहे. याप्रकरणी पहाटे ३ वाजता शनीपेठ पोलीस ठाण्यात गुन्हा दाखल करण्यात आला आहे.
वेदांत प्रदिप चौधरी वय १९ रा. कांचन नगर, जळगाव हा तरूण गुरूवार ३ जुलै रोजी मध्यरात्री १ वाजता कांचन नगरातील कालिंका माता मंदीर परिसरात गेला होता. त्यावेळी संशयित आरोपी तेजस दिलीप सोनवणे रा. कांचन नगर याने काहीही कारण नसतांना तू आमच्या एरीयात का काअला असे सांगत त्याला शिवीगाळ करत जीवेठार मारण्याची धमकी दिली. त्यानंतर हातातील कड्याने पाठीवर मारहाण करून गंभीर दुखापत केली. याप्रकरणी पहाटे ३ वाजता वेदांत चौधरी याने शनीपेठ पोलीस ठाण्यात तक्रार दिली. त्यानुसार मारहाण करणारा तेजस सोनवणे याच्या विरोधात शनीपेठ पोलीस ठाण्यात गुन्हा दाखल करण्यात आला आहे. पुढील तपास पोलीस नाईक विनोद अहिरे हे करीत आहे.
