तरूणाची गळफास घेवून आत्महत्या

शनीपेठ पोलीस ठाण्यात अकस्मात मृत्यूची नोंद

जळगाव – लाईव्ह ट्रेंडस न्यूज प्रतिनिधी । शहरातील कांचन नगरात राहणाऱ्‍या २० वर्षीय तरूणाने राहत्या घरात साडीने गळफास घेवून आत्महत्या केल्याची घटना आज रविवारी सायंकाळी उघडकीस आली. याबाबत शनीपेठ पोलीस ठाण्यात अकस्मात मृत्यूची नोंद करण्यात आली आहे.

रितेश उर्फ पांडू मधुकर सपकाळे (वय-२०) रा. कांचन नगर, जळगाव असे मृत तरूणाचे नाव आहे.

नातेवाईकांकडून मिळालेल्या माहितीनुसार, “रितेश सपकाळे हा आई मंगलाबाई, मोठा भाऊ पंकज यांच्यासोबत वास्तव्याला होता. रितेश हा मिळेत ते काम करत होता. आज रविवार, दि. २४ जुलै रोजी रितेश हा घरी एकटा होता. आई बाहेर कामानिमित्त गेलेली तर मोठा भाऊ पंकज हा महापालिकेत कंत्राटी पध्दतीने कामावर गेलेला होता. सायंकाळी ५ वाजेच्या सुमारास रितेशने साडीने राहत्या घरात गळफास घेवून आत्महत्या केली. हा प्रकार शेजारी राहणाऱ्यांच्या लक्षात आला. आत्महत्या करण्याचे कारण समजू शकले नाही.

शनीपेठ पोलीस ठाण्याचे पोलीस उपनिरीक्षक प्रदीप बोरूडे, सहाय्यक फौजदार रविंद्र पाटील, पोलीस कॉन्स्टेबल अभिजित सैंदाणे यांची घटनास्थळी धाव घेवून पंचनामा केला व मृतदेह जिल्हा शासकीय वैद्यकीय महाविद्यालयात दाखल करण्यात आला आहे. याप्रकरणी शनीपेठ पोलीस ठाण्यात अकस्मात मृत्यूची नोंद करण्यात आली आहे. रितेशच्या पश्चात आई, भाऊ व दोन विवाहित बहिणी असा परिवार आहे.

Comments are closed, but trackbacks and pingbacks are open.