जळगाव-लाईव्ह ट्रेंडस न्यूज प्रतिनिधी । जळगाव शहरातील रेल्वे स्टेशन परिसरात चहाची गाडी लावण्यावरून एका वृध्द चहा विक्रेत्याला शिवीगाळ करत बंदूकीने मारून टाकण्याची धमकी दिल्याची घटना सोमवारी २९ जून रोजी रात्री ८.३० वाजता घडली आहे. याप्रकरणी सोमवारी जळगाव शहर पोलीस ठाण्यात एकावर अदखलपात्र गुन्हा दाखल करण्यात आला आहे.
याबाबत अधिक माहिती अशी की, जळगाव रेल्वे स्थानकाजवळ सैय्यद हैदरअली बालमअली वय ६५ रा. शिवाजी नगर, जळगाव हे वास्तव्याला आहे. चहा विक्रीचा स्टॉल लावून आपला उदरनिर्वाह करतात. रविवारी २९ जून रोजी रात्री ८.३० वाजता चहाची हातगाडी लावण्यावरून सैय्यद हैदरअली यांच्या सोबत मोनल विजय रतवेकर वय ३० या तरूणाने हुज्जत घालत शिवीगाळ केली. तर बंदुकीने जीवेठार मारण्याची धमकी दिली. हा प्रकार घडल्यानंतर सैय्यद यांनी जळगाव शहर पोलीस ठाण्यात तक्रार दिली. त्यानुसार सोमवारी ३० जून रोजी दुपारी साडेतीन वाजता मोनल रतवेकर याच्या विरोधात शहर पोलीस ठाण्यात अदखलपात्र गुन्हा दाखल करण्यात आला आहे. पुढील तपास पोहेकॉ पंकज सपकाळे हे करीत आहे.
