चोपडा, प्रतिनिधी । संत जगनाडे जगदीश गोपाल गोशाळा व गो अनुसंधान संस्था चोपडातर्फे ६ सप्टेंबर रोजी बैल पोळा हा सण उत्सहात साजरा करण्यात आला.
संत जगनाडे गो शाळेत पोळा सणानिमित्ताने बैलांची, गाईंची व गोवंशाची आंघोळ करून त्यांना सजवण्यात आले. त्यांची पूजा करून पुरणाची पोळी खाउ घालण्यात आली. यावेळी संस्थेचे अध्यक्ष देवकांत के. चौधरी व त्यांच्या धर्मपत्नी सौ धनश्री देवकांत चौधरी यांनी पूजन केले. यावेळी देवकान्त चौधरी यांनी समस्त शेतकरी बांधवांना शुभेच्छा देऊन गोवंशाचे जतन व संवर्धन करण्याचे आवाहन केले. यावेळी हभप गोपीचंद महाराज, प्रदेश तेली महासंघ जळगाव जिल्हा अध्यक्ष के .डी .चौधरी सर आदी उपस्थित होते.
