जळगाव-लाईव्ह ट्रेंडस न्यूज प्रतिनिधी । शहरातील बीबा नगरातील महिलेला घराचे दोन्ही दरवाजे उघडे ठेवून झोपले चांगलेच महागात पडले आहे. शनिवार २० ऑगस्ट रोजी पहाटे १ ते साडे पाच वाजेच्या सुमारास चोरट्यांनी घरातून दागिण्यांसह रोकड असा एकूण ४३ हजार रुपये किंमतीचा मुद्देमाल लांबविल्याची घटना समोर आली आहे. याप्रकरणी तालुका पोलीस ठाण्यात गुन्हा दाखल झाला आहे.
पोलिसांनी दिलेल्या माहितीनुसार ,बीबानगर येथे प्रमिला सुधाकर चौधरी वय ५६ या वास्तव्यास आहेत. शुक्रवारी रात्री त्यांनी घराचा मागच्या खोलीचा रुमचा लोखंडी व लाकडी दरवाजे उघडे ठेवून प्रमिला चौधरी या झोपल्या होत्या. पहाटे १ ते साडेपाच वाजेच्या सुमारास चोरट्याने घराचे दरवाजे उघडे असल्याची संधी साधत घरातील ११ ग्रॅमचा सोन्याचा हार, ३ ग्रॅमचे कानातले, ५ ग्रॅमची सोन्याची अंगठी, ३ ग्रॅमचे मणी मंगळसूत्र, १० ग्रॅमचा चांदीचा शिक्का, १०० ग्रॅमच्या चांदीच्या पायातल्या साखळया, व ६०० रुपये रोख असा एकूण ४३ हजार ४०० रुपयांचा मुद्देमाल चोरुन नेला. सकाळी उठल्यानंतर प्रकार लक्षात आल्यानंतर प्रमिला चौधरी यांनी तालुका पोलीस ठाण्यात तक्रार दिली. या तक्रारीवरुन अज्ञात चोरटयांविरोधात गुन्हा दाखल करण्यात आला आहे. पुढील तपास पोलीस नाईक रामकृष्ण इंगळे हे करीत आहेत.
