चोपडा प्रतिनिधी । चोपडा नगरपरिषदतर्फे शहरातील डॉक्टरांना पीपीई कीट आणि मास्कचे नगराध्यक्ष जीवन चौधरी यांच्याहस्ते वाटप करण्यात आले.
चोपडा नगरपरिषदेच्या वतीने व गटनेते जिवन चौधरी यांच्या उपस्थितीत शहरातील डॉ. अय्यूब पिंजारी, डॉ. फिरोज सैय्यद यांच्यासह इतर ११ डॉक्टरांना पीपीई कीट, सॅनिटायझर व मास्कचे वाटप करण्यात आले. यावेळी मुक्तार सरदार, अकिल जागीरदार, नौमान काजी, शहबाज खान, युनुस खान, जाकीर शेख आदी उपस्थित होते. यावेळी सर्व डॉक्टरांनी दवाखाने उघडल्याबद्दल डॉक्टरांचे अभिनंदन करण्यात आले.