जळगाव प्रतिनिधी । जिल्ह्यात दिवसभरात कोरोना संक्रमित केवळ १ रुग्ण आढळला असून सुदैवाने एक ही मृत्यू न झाल्याने दिलासादायक चित्र निर्माण झाले आहे.
जळगाव जिल्हा कोवीड रूग्णालयाने पाठविलेल्या कोरोना अहवालात आज दिवसभरात एक संक्रमित रूग्ण आढळून आले आहे. तर ९ बाधित रूग्ण बरे होवून घरी परतले आहे. यात चोपडा वगळता इतर सर्व तालुके निरंक असल्याचे दिसून आले आहे. जिल्हा प्रशासनाने दिलेल्या अहवालात चोपडा तालुक्यातून १ बाधित रूग्ण आढळून आला आहे. आज दिवसभरात एकुण ९ रूग्ण कोरोना आजारातून बरे होवून घरी परतले आहे. जिल्ह्यात आतापर्यंत एकुण १ लाख ४२ हजार ६०६ बाधित रूग्ण आढळून आले आहे. त्यापैकी १ लाख ३९ हजार ९६२ रूग्ण बरे होवून घरी परतले आहे. तर ६९ बाधित रूग्ण विविध कोवीड रूग्णालयात उपचार घेत आहे. अशी माहिती जिल्हा शल्यचिकित्सक डॉ. एन.एस.चव्हाण यांनी प्रसिध्दीपत्रकान्वये कळविले आहे.
