एरंडोल प्रतिनिधी । सध्या सगळीकडे लॉकडाऊन असल्याने गरीब व मजुर लोकांचे जेवणावाचुन हाल होत असुन त्यांना मदतीचा हात म्हणुन एरंडोलच्या वार्ड क्र.७ चे नगरसेवक व माजी उपनगराध्यक्ष अब्दुल शकुर मोमीन यांनी २ एप्रिल पासुन ते आज तागायत ४५०० गरजु लोकांना घरपोच अन्नदान केले आहे. आजही ते अन्नदान करीत असुन जो पर्यंत लॉक डाऊन आहे तो पर्यंत मी गरजुंना अन्नदान करणार असल्याचे सांगितले.यात त्यांना त्यांचे सहकार्यांची देखील मोलाची साथ मिळत आहे.
सदर नगरसेवक अब्दुल शकुर मोमीन हे बांधकाम व्यवसायिक असल्याने त्यांच्याकडे अनेक मजुर काम करतात त्यांच्या परिवाराचा उदरनिर्वाह कसा चालेल या हेतुने प्रेरित होऊन त्यांनी सदर अन्नदान करण्याचा विचार केला परंतु कालांतराने त्यांना परिसरात अनेक गरजु व गरीब आढळुन आल्याने त्यांनी सदर उपक्रमात सर्व गरजुंना अन्नदान करण्यचा विचार केला व आज तागायत त्यांनी ४५०० गरजुंना अन्नदान केले असुन भविष्यात जो पर्यंत लॉक डाऊन सुरु आहे तो पर्यंत अन्नदान करण्याचे त्यांनी सांगितले.
