अरेरे…या हॉटेलमध्ये थुंकी लाऊन बनविली जात होती चपाती !

शेअर करा !

नवी दिल्ली । हॉटेल्समधील स्वच्छतेबाबत नेहमीच चिंता व्यक्त होत असतांना आता अजून एक भयंकर प्रकार समोर आला आहे. एका हॉटेलमध्ये चपाती बनविणारे कारागीर चक्क त्याला थुंकी लावत असल्याचे एका व्हायरल व्हिडीओमधून समोर आल्यानंतर त्यांना अटक करण्यात आली आहे.

दिल्लीतील हॉटेलमधून दोन जणांना अटक करण्यात आली आहे. हे दोन्ही जण तंदूरमध्ये भाकरी भाजताना त्यावर थुंकत असत. अलीकडेच व्हिडिओ अलीकडेच सोशल मीडियावर व्हायरल झाल्याने खळबळ उडाली असतांना पोलिसांनी ही कारवाई केली आहे. पोलिसांनी व्हिडिओच्या आधारे तपास सुरू केला. या तपासणीच्या वेळी असे आढळले की या हॉटेलचे नाव चांद हॉटेल आहे. त्यानंतर पोलिसांची एक टीम हॉटेलमध्ये पोहोचली आणि या प्रकरणाचा तपास केला. कागदपत्रे तपासण्यासाठी त्यांना चांद हॉटेल कडे हॉटेल चालविण्याचा परवानाही नसल्याचे आढळले. त्यानंतर डीपी अ‍ॅक्टनुसार त्यांच्यावर कारवाई करण्यात आली आहे.

याबाबत माहिती देतांना डीसीपी प्रशांत गौतम म्हणाले की, व्हायरल व्हिडीओची दखल घेत आम्ही दोन आरोपींना अटक केली आहे, ज्यांची नावे मोहम्मद इब्राहिम आणि साबी अशी आहेत. या दोघांवर गुन्हा दाखल करण्यात आला आहे. हॉटेलकडे परवाना नव्हता.

अनेक हॉटेल्स वा खाद्य पदार्थांच्या स्टॉल्सवर स्वच्छतेच्या नियमांचे पालन केले जात नसल्याच्या बर्‍याचशा घटना आजवर समोर आल्या आहेत. यातच आता थुंकी लाऊन तयार केलेल्या चपातीची भर पडली आहे. याबाबतचा व्हिडीओ व्हायरल झाल्यानंतर अनेक युजर्सनी यावर अतिशय संतप्त प्रतिक्रिया व्यक्त केल्या आहेत.

आम्हाला फॉलो करा

Comments are closed, but trackbacks and pingbacks are open.

error: Content is protected !!