यावल-लाईव्ह ट्रेंडस न्यूज प्रतिनिधी । यावल तालुक्यातील दहिगाव ग्रामपंचायत कार्यालयात एका तरुणाने कारण नसताना जाऊन कार्यालयाची नासधूस केली व कर्मचाऱ्यांना तसेच सरपंच उपसरपंच यांना शिवीगाळ करीत जीवेठार मारण्याची धमकी दिली. याप्रकरणी यावल पोलीस ठाण्यात गुन्हा दाखल करण्यात आला आहे.
अधिक माहिती अशी की, दहिगाव तालुका यावल येथील हर्षल उर्फ कालू विश्वास पाटील या तरूणाने ५ डिसेंबर रोजी सकाळी ११ वाजेच्या सुमारास दहिगाव गावाच्या ग्रामपंचायत कार्यालयात कारण नसताना जाऊन तिथे असलेले ग्रामपंचायत कर्मचारी रवींद्र शिवाजी पाटील यांना खुर्चीवरून ताणून मारहाण करून सरपंच उपसरपंच कोठे गेले ? त्यांना व्यवस्थित काम करता येत नाही ? असे बोलून शिविगाळ करून मारहाण केली व ग्रामपंचायतीच्या कार्यालयातील नऊ नंबर रजिस्टर आणि टेबल खुर्चीची मोडतोड केली व सरपंच उपसरपंच देविदास ग्रामपंचायत सदस्य पुंडलिक राजाराम पाटील, पाणीपुरवठा कर्मचारी सुधाकर गोविंदा पाटील, विजय शालिग्राम पाटील पाटील, कर्मचारी रवींद्र पाटील अशांना अश्लील शिवीगाळ केली. व मी तुम्हाला फसवून टाकील अशी धमकी देत आत्महत्या करून तुमचे नावे टाकून तुम्हाला फसवेल असा दम दिला अशा आशयाची फिर्याद रवींद्र शिवाजी पाटील यांनी दिले वरून यावल पोलिसात विविध कलमान्वये गुन्हा दाखल करण्यात आला आहे. दरम्यान सदरच्या तरुणाने गावात खुलेआम विक्रीला जात असलेली हातभट्टीची गावटी दारू विक्री बंद करावी, या मागणी करीता तरुणाने ग्रामपंचायत कार्यालयात गाठले व त्या ठीकाणी दांगडो घातल्याची गावात सर्वत्र चर्चा होत आहे.
