धरणगाव-लाईव्ह ट्रेंडस न्यूज प्रतिनिधी । धरणगाव तालुक्यातील पाळधी गावाजवळील बायपास महामार्गावर महामंडळाच्या भरधाव बसने दिलेल्या धडकेत दुचाकीस्वार जखमी झाल्याची घटना २१ डिसेंबर रोजी दुपारी १२.३० वाजता घडली आहे. याप्रकरणी बुधवारी २५ डिसेंबर रोजी सायंकाळी ६.३० वाजता धरणगाव पोलीस ठाण्यात बसवरील अज्ञात चालकावर गुन्हा दाखल करण्यात आला आहे.
अधिक माहिती अशी की, हर्षल साहेबराव दोडे वय २८ रा. पाळधी ता. धरणगाव हा तरूण आपल्या परिवारासह वास्तव्याला आहे. २१ डिसेंबर रोजी दुपारी १२.३० वाजता हर्षल दोडे हा आपल्या दुचाकी क्रमांक (एमएच १९ ईएफ ०२३६) ने जळगाव येण्यासाठी जात असतांना पाळधी गावाजवळील बायपास महामार्गावर महामंडळाच्या भरधाव बसने जोरदार धडक दिली. या अपघातात हर्षल दोडे हा तरूण जखमी झाला आहे. याप्रकरणी बुधवारी २५ डिसेंबर रोजी सायंकाळी ६.३० वाजता धरणगाव पोलीस ठाण्यात बसवरील अज्ञात चालकावर गुन्हा दाखल करण्यात आला आहे. पुढील तपास पोहकॉ विठ्ठल पाटील हे करीत आहे.
