वरणगाव-लाईव्ह ट्रेंडस न्यूज प्रतिनिधी । भुसावळ तालुक्यातील वरणगाव ते बोहर्डी गावादरम्यानच्या पेट्रोल पंपाजवळ कार आणि ट्रेलच्या धडकेत दोन जण जखमी झाल्याची घटना बुधवारी २५ डिसेंबर रोजी सकाळी ४ वाजेच्या सुमारास घडली आहे. याप्रकरणी सायंकाळी ७ वाजता वरणगाव पोलीस ठाण्यात गुन्हा दाखल करण्यात आला आहे.
अधिक माहिती अशी की, राजेंद्र नथमल कोचर वय ६९ रा. भगवान महावीर मार्ग, मलकापूर जि.बुलढाणा हे वृध्द आपल्या परिवारासह वास्तव्याला आहेत. बुधवारी २५ डिसेंबर रोजी सकाळी ४ वाजता शाम पुंडलीक खैरे यांच्यासोबत कार क्रमांक (एमएच २८ आर ३६३७) ने मालेगाव येथे जात असतांना वरणगाव ते बोहर्डी गावाच्या दरम्यान पेट्रोल पंपाजवळ समोरून येणार ट्रेलरने जोरदार धडक दिली. या धडकेत राजेंद्र नथमल कोचर आणि त्यांच्या सोबत असलेले सुगमचंद उत्तमचंद आगड दोन्ही रा. मलकापूर हे जखमी झाले. जखमींना तातडीन वरणगाव ग्रामीण रूग्णालयात दाखल करण्यात आले. याप्रकरणी राजेंद्र कोचर यांनी दिलेल्या फिर्यादीरून कार चालक शाम खैरे आणि ट्रेलर वरील अज्ञात चालकावर गुन्हा दाखल करण्यात आला आहे. पुढील तपास पोहेकॉ यासीन पिंजारी हे करीत आहे.
