जळगाव-लाईव्ह ट्रेंडस न्यूज प्रतिनिधी । जळगाव शहरातील विसनजी नगरातील सुर्यवंशी हॉस्पिटल समोरून शेतकऱ्याच्या मालकीच्या २६ हजार रूपये किंमतीचे लोखंडी पत्रा आणि पाईप अज्ञात चोरट्यांनी चोरून नेल्याचे मंगळवारी १५ ऑगस्ट रोजी सायंकाळी ६ वाजेच्या सुमारास उघडकीला आले आहे. याप्रकरणी जिल्हापेठ पोलीसात अज्ञात चोरट्यांविरोधात गुन्हा दाखल करण्यात आला आहे.
पोलीस सुत्रांनी दिलेली माहिती अशी की, संग्रामसिंह सुरेशसिंह सुर्यवंशी (वय-३८) रा. आदर्श नगर,जळगाव यांचे विसनजी नगरातील सुर्यवंशी हॉस्पिटल समोर असलेल्या जागेत त्यांच्या मालकीचे लोखंडी पाईप आणि पात्र ठेवलेला होता. मंगळवारी १५ ऑगस्ट रोजी दुपारी ४ ते सायंकाळी ६ वाजेच्या दरम्यान २६ हजार रूपये किंमतीचा लोखंडी पाईप व पत्रे चोरून नेले. हा प्रकार लक्षात आल्यानंतर संग्रामसिंह यांनी बुधवारी १६ ऑगस्ट रोजी रात्री ९ वाजता जिल्हापेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून जिल्हापेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ सलीम तडवी करीत आहे.
