अमळनेर-लाईव्ह ट्रेंडस न्यूज प्रतिनिधी । अमळनेर शहरातील पाचकंदील चौकात जुन्या भांडणाच्या कारणावरून एका तरूणाला शिवीगाळ करून लोखंडी फायटरने मारहाण करून गंभीर दुखापत केल्याची घटना रविवारी १९ मे रोजी रात्री ११ वाजता घडली. याप्रकरणी मंगळवारी २१ मे रोजी दुपारी दीड वाजता अमळनेर पोलीसात गुन्हा दाखल करण्यात आला आहे.
याबाबत अधिक माहिती अशी की, मच्छिंद्र शिवदास हातांगळे वय २१ रा. गांधलीपूरा, अमळनेर हा तरूण आपल्या परिवारासह वस्तव्याला आहे. जुन्या भांडणाच्या कारणावरून रविवारी १९ मे रोजी रात्री ११ वाजता तो शहरातील पाचकंदील चौकात असतांना योगेश शिवा लोंढे, शिवा त्र्यंबक लोंढे आणि चंदाबाई शिवा लोंढे या तिघांनी शिवीगाळ केली. तर योगेश लोंढे यांने लोखंडी फायटरने मारहाण करून गंभीर जखमी केले. जखमी झालेल्या तरूणाला अमळनेर येथील ग्रामीण रूग्णालयात उपचारार्थ दाखल करण्यात आले आहे. याप्रकरणी मच्छिंद्र हातांगळे याने दिलेल्या फिर्यादीवरून मंगळवारी २१ मे रोजी दुपारी दीड वाजता अमळनेर पोलीस ठाण्यात गुन्हा दाखल करण्यात आला आहे. पुढील तपास पोहेकॉ अशोक साळुंखे हे करीत आहे.
