बेपत्ता झालेल्या वृध्दाचा तापी नदीत मृतदेह आढळला

यावल-लाईव्ह ट्रेंडस न्यूज प्रतिनिधी । यावल तालुक्यातील निमगाव येथून तीन दिवसांपासून बेपत्ता झालेल्या वयोवृध्दाचा तापी नदीत कुजलेल्या अवस्थेत मृतदेह आढळून आल्याने खळबळ उडाली आहे. याबाबत यावल पोलीस ठाण्यात अकस्मात मृत्यूची नोंद करण्यात आली आहे.

 

रूपचंद शहादू कोळी (तावडे) (वय-६८) रा. निमगाव ता. यावल असे मृत वयोवृध्दाचे नाव आहे.

याबाबत अधिक माहिती अशी की, रूपचंद कोळी हे निमगाव येथे आपल्या कुटुंबियांसह वास्तव्याला आहे. ते शुक्रवार १० जून रोजी बाहेर जावून येतो असे सांगून बेपत्ता झाले होते, सोमवारी १३ जून रोजी सकाळी १० वाजता यावल तालुक्यातील बोरावल बुद्रुक येथील तापी नदीच्या पत्रात कुजलेल्या अवस्थेत एकाचा मृतदेह आढळून आला होता. यासंदर्भात यावल पोलीसांनी धाव घेवून पंचनामा केला होता. दरम्यान गेल्या तीन दिवसांपासून बेपत्ता झालेले रूपचंद कोळी यांचाच मृतदेह आल्याचे निष्पन्न झाले. कुटुंबियांनी घटनास्थळी धाव घेतली. याबाबत यावल पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक किशोर परदेशी हे करीत आहे.

 

आम्हाला विविध सोशल मंचावर फॉलो करा

Comments are closed, but trackbacks and pingbacks are open.

error: Content is protected !!