मुक्ताईनगर लाईव्ह ट्रेंडस न्यूज प्रतिनिधी । येथील श्रीमती जी.जी.खडसे महाविद्यालयात महिला कुस्ती संघाने नुकत्याच आप्पासाहेब र.भा.गरुड कला, वाणिज्य व विज्ञान महाविद्यालय, शेंदूर्णी येथे संपन्न झालेल्या आंतर महाविद्यालयीन कुस्ती स्पर्धेत विजेते पद प्राप्त केले व पुरुष गटात कुस्ती (ग्रिको प्रकारात) तृतीय क्रमांक मिळविला आहे.
या स्पर्धेत भाग्यश्री सोनी, योगिता पाटील, वैष्णवी पाटील व काजल पाटील व प्रणय बावस्कर यांनी चमकदार कामगिरी करत जळगाव विभाग कुस्ती संघात आपले स्थान निश्चित केले. खेळाडूंना क्रीडा संचालक डॉ. प्रतिभा ढाके आणि हनुमान व्यायामशाळा, वरणगावचे वस्ताद नामदेव मोरे यांनी व दिलीप संघीले (क्रीडा शिक्षक), संजय बावस्कर (तांत्रीक पंच कुस्ती) यांनी दिलेल्या ट्रेनिंग चा या खेळाडूंना विशेष लाभ झाला. खेळाडूंच्या यशाबद्दल मुक्ताईनगर तालुका एज्युकेशन सोसायटीच्या अध्यक्षा ॲड. रोहिणी खडसे-खेवलकर, उपाध्यक्ष नारायण चौधरी, सचिव डॉ. सी.एस. चौधरी, डॉ.एच.ए.महाजन यांच्यासह सर्व प्राध्यापकवृंद, शिक्षकेतर कर्मचारी यांनी यशस्वी खेळाडूंचे अभिनंदन केले व शुभेच्छा दिल्या.
