मँचेस्टर वृत्तसंस्था । ऑस्ट्रेलियाचा माजी कर्णधार स्टीव्ह स्मिथनं दुखापतीतून परतून क्रिकेटच्या मैदानावर पुनरागमन करत त्याने
ॲशेस कसोटीतील इंग्लंडविरुद्धच्या चौथ्या सामन्यात आपल्या कारकिर्दीतलं तिसर दमदार द्विशतक झळकावल आहे.
याबाबत अधिक माहिती अशी की, ॲशेस कसोटीतील इंग्लंडविरुद्धच्या चौथ्या सामन्यात त्याने ३१९ चेंडूत २४ चौकार आणि २ षटकार लगावले. ऑस्ट्रेलियाने पहिला डाव गडी बाद ४९७ धावांवर घोषित केला. मास्टर ब्लास्टर सचिन तेंडुलकरने ट्विटरवर स्मिथचे या खेळबद्दल तोंडभरुन कौतुक केलं आहे. सचिनने ट्विट असे केलंय की, ‘गुंतागुंतीचं पण नियोजनबद्ध तंत्र वापरून स्टीव्हने कमाल केली. काय कमालीचा कमबॅक आहे हा !’ इंग्लंडचा माजी कर्णधार मायकल वॉनेदेखील स्मिथची स्तुती केली आहे. तो म्हणतो, ‘स्टीव्हचा खेळ पाहायला खूप मजा आली. स्टीव्ह ऑस्ट्रेलियाचा असला तर एक कुशल, शिस्तप्रिय, एकाग्रतेने खेळणारा खेळाडू म्हणून त्याचं कौतुक करायलाच हवं. हँड-आय को-ऑर्डिनेशन तर जबरदस्त. मस्तच स्टीव्ह.’
