जळगाव प्रतिनिधी । शहरातील सुप्रिम कॉलनीत बनावट दारू तयार करून विक्री करणाऱ्या सोनम बलविर कंजर (३०,रा.सुप्रिम कॉलनी) या महिलेला गुरूवारी एलसीबीच्या पथकाने अटक केली होती. तिला आज शुक्रवारी पोलिसांनी न्यायालयात हजर केले असता दोन दिवसांची पोलीस कोठडी सुनावण्यात आली आहे.
अधिक माहिती अशी की, सुप्रिम कॉलनीत सोनम कंजर ही महिला स्पीरीट या रसायनाद्वारे बनविलेली दारू विक्री करीत असल्याची माहिती एलसीबीच्या पथकला मिळाली होती. त्यानुसार गुरूवारी दुपारी एलसीबीच्या पथकाने सुप्रिम कॉलनीतील बनावट दारूच्या अड्डयावर धाड टाकून महिलेस अटक केली होती व साडे चार हजार रूपयांची दारू जप्त केली होती. त्यानंतर पुढील कार्यवाहीसाठी महिलेस एमआयडीसी पोलिसांच्या ताब्यात देण्यात आले होते. सदर महिलेस शुक्रवारी एमआयडीसी पोलिसांनी न्यायालयात हजर केले असता, तिला दोन दिवसांची पोलीस कोठडी सुनावण्यात आली आहे.
