मोहन चरण माझी होतील ओडिशाचे नवे मुख्यमंत्री

भुवनेश्वर-लाईव्ह ट्रेंडस न्यूज वृत्तसेवा | मोहन चरण माझी हे ओडिशाचे नवे मुख्यमंत्री असतील. केंद्रीय निरीक्षक संरक्षण मंत्री राजनाथ सिंह आणि भूपेंद्र यादव यांनी भुवनेश्वरमध्ये पक्षाच्या आमदारांसोबत झालेल्या बैठकीत तिघांच्या नावांची घोषणा केली. मोहन चरण माझी हे क्योंझरमधून 4 वेळा आमदार आहेत. 2024 च्या विधानसभेत त्यांनी बीजेडीच्या वीणा माझी यांचा 11 हजारांहून अधिक मतांनी पराभव केला. याशिवाय 2019, 2009 आणि 2000 मध्येही ते आमदार राहिले आहेत.

ओडिशा विधानसभा निवडणुकीत भाजपने पहिल्यांदाच बहुमताने विजय मिळवला आहे. राज्यातील 147 जागांपैकी भाजपला 78 जागा मिळाल्या आहेत. त्याचवेळी नवीन पटनायक यांच्या बिजू जनता दलाने (बीजेडी) 51, काँग्रेस 14, सीपीआयएम 1 आणि इतरांना 3 जागा जिंकल्या आहेत.