जळगाव लाईव्ह ट्रेंडस न्यूज प्रतिनिधी । जळगाव शहरातील बळीराम पेठ येथील माहेर असलेल्या विवाहितेला सासरी अहमदनगर येथे ५ लाखांची मागणी करत शिवीगाळ व मारहाण करून छळ केल्याचा प्रकार समोर आला आहे. याप्रकरणी गुरूवार १० एप्रिल रोजी सायंकाळी ७ वाजता जळगाव शहर पोलीस ठाण्यात पतीसह सासरच्या मंडळींविरोधात जळगाव शहर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, जळगाव शहरातील बळीराम पेठ येथील माहेर असलेल्या सायली महेश पाराशर वय २४ यांचा विवाह अहमद नगर येथील महेश राजेश पाराशर यांच्याशी रितीरिवाजानुसार झालेला आहे. लग्नानंतर विवाहितेला नवीन प्लॅट घेण्यासाठी महेराहून ५ लाख रूपये आणावे अशी मागणी करण्यात आली. तसेच पैसे आणले नाही तर तुला घरातून हाकलून देईल आणि तुझे शैक्षणिक कादगपत्र परत देणार नाही असे सांगून धमकी देत मारहाण व शिवीगाळ करत छळ करण्यात आला. तसेच सासू, सासरे, ननंद व नंदोई भाऊ यांनी देखील पैशांसाठी छळ केला. हा प्रकार सहन न झाल्याने विवाहिता माहेरी निघून गेल्या. त्यानंतर त्यांनी गुरूवारी १० एप्रिल रोजी जळगाव शहर पोलीस ठाण्यात धाव घेवून तक्रार दिली. त्यानुसार पती महेश राजेश पाराशर, सासरे राजेश सुरेश पाराशर , सासू सविता राजेश पाराशर, नणंद अल्का नितीन शर्मा, नितीने रमेश शर्मा सर्व रा.अहमद नगर, यांच्या विरोधात जळगाव शहर पोलीस ठाण्यात गुन्हा दाखल करण्यात आला. पुढील तपास पोहेकॉ प्रकाश पाटील हे करीत आहे.
