जळगाव प्रतिनिधी । जळगाव जिल्हा बँकेच्या निवडणुकीची रणधुमाळी सुरू आहे. यात शेतकरी विकास पॅनलमधील महिला उमेदवार राष्ट्रवादी काँग्रेसच्या उत्तर महाराष्ट्र विभागीय अध्यक्षा कल्पना पाटील यांनी सहकार पॅनलला जाहीर पाठिंबा दिला आहे.
याबाबत माहिती अशी की, जळगाव जिल्हा मध्यवर्ती बँकेची रणधुमाळी सुरू आहे. यात शेतकरी विकास पॅनल आणि सहकार पॅनल रिंगणात उतरली आहे. या निवडणुकीतील शेतकरी विकास पॅनलमधील महिला राखीव प्रवर्गातील उमेदवार राष्ट्रवादी काँग्रेसच्या उत्तर महाराष्ट्र विभागीय अध्यक्षा कल्पना पाटील यांनी सहकार पॅनलच्या महिला प्रवर्गातील उमेदवारी रोहिणी खडसे-खेवलकर यांना जाहीर पाठिंबा दिला आहे. याप्रसंगी माजी मंत्री एकनाथराव खडसे, राष्ट्रवादी काँग्रेसचे माजी महानगराध्यक्ष अभिषेक पाटील, तालुकाध्यक्षा यु.डी.पाटील, प्रा.डॉ. सुनिल नेवे, प्रमोद नेमाडे, पुरुषोत्तम नारखेडे, राजुभाऊ माळी, विलास धायडे, किरण कोलते, बोधराज चौधरी, बापु महाजन, शफी पेहलवान, एजाज खान, उसामा रउफ खान, अखिल चौधरी, सुमित बऱ्हाटे, पृथ्वीराज पाटील आदी उपस्थित होते.
