जळगाव । फुले मार्केट परिसरातून असोदा रेल्वेगेटकडे जात असलेल्या एसटी बसला रस्त्यावरील अतिक्रमणामुळे अडचण निर्माण होते. यामुळे बुधवारी दुपारी १२ वाजता एसटी बसचालक व एका हॉकर्समध्ये वाद झाले. यामुळे परिसरात तणाव निर्माण झाला होता.
या प्रकारामुळे हॉकर्स अजय राधेश्याम माधवे रा. गुरूनानक नगर, शनिपेठ जळगाव व बसचालक प्रविण प्रकाश सोनवणे रा. जैनाबाद नाल्याजवळ यांची एकमेकांच्या विरुद्ध तक्रार देण्यासाठी शहर पोलिस ठाण्यात पोहोचले होते. यामुळे पोलिस ठाण्यात प्रचंड गर्दी झाली होती. अखेर हा वाद अपसात मिटवण्यात आला.
