जळगाव-लाईव्ह ट्रेंडस न्यूज प्रतिनिधी । जळगाव शहरातील गेंदालाल मिल परिसरात एका हॉटेल चालकाला दारुड्यांनी मारहाण केल्याची घटना घडली आहे. हॉटेलमध्ये आरडाओरडा करण्यास मज्जाव केल्याने चौघांनी हॉटेल चालकाला मारहाण केली. या प्रकरणी शहर पोलीस ठाण्यात गुन्हा दाखल करण्यात आला आहे.
शेख शाहरुख शेख गणी (२९, रा. गेंदालाल मिल परिसर) यांचे गेंदालाल मिल परिसरात हॉटेल आहे. १६ मार्च रोजी आदेश, सोन्या, आवेश आणि त्यांचा एक साथीदार असे चौघे त्यांच्या हॉटेलमध्ये आले. दारुच्या नशेत ते एकमेकांना शिवीगाळ करत आरडाओरडा करत होते. शेख यांच्या आईने त्यांना शांततेत जेवण करण्यास सांगितले. तरीही ते ऐकत नसल्याने शेख त्यांना समजवायला गेले. तेव्हा त्यांनी शेख यांना मारहाण केली. या प्रकरणी शेख यांनी शहर पोलीस ठाण्यात तक्रार दाखल केली असून पोलिसांनी चौघांविरुद्ध गुन्हा दाखल केला आहे.
