नाशिक (प्रतिनिधी) घरकुल प्रकरणात शिक्षा सुनावल्यापासून अटकेत असलेले जळगावचे माजी पालकमंत्री गुलाबराव देवकर व आमदार चंद्रकांत सोनवणे यांची आज कारागृहातून सुटका झाली आहे. देवकर यांचा जामीन अर्ज औरंगाबाद खंडपीठाने चार दिवसापूर्वी मंजूर केला होता.
या संदर्भात अधिक असे की, जळगाव नगर पालिकेच्या राज्यभरात गाजलेल्या घरकुल घोटाळ्यातील शिक्षा झालेल्या आरोपींना शिक्षा सुनावण्यात आली होती. त्यानंतर आरोपींनी जामीनासाठी औरंगाबाद कोर्टात धाव घेतली होती. ४ ऑक्टोंबर रोजी औरंगाबाद येथील उच्च न्यायालयाच्या खंडपीठाने जामीन मंजूर केला होता. त्यात माजीमंत्री गुलाबराव देवकर तसेच आ.चंद्रकांत सोनवणे यांच्यासह शिक्षा झालेल्या सुमारे ३६ नगरसेवकांचा समावेश होता.
